NTS ഭവൻ

കേരള എയ്ഡഡ് സ്കൂൾ നോൺ ടീച്ചിങ് സ്റ്റാഫ് അസോസിയേഷൻ സ്വന്തമായി ഒരു മന്ദിരം..

*11 വർഷങ്ങൾക്കു ശേഷം കലോത്സവ കമ്മിറ്റികളിലെ പങ്കാളിത്തം നമ്മൾ നേടിയെടുത്തിരിക്കുന്നു*

*11 വർഷങ്ങൾക്കു ശേഷം കലോത്സവ കമ്മിറ്റികളിലെ പങ്കാളിത്തം നമ്മൾ നേടിയെടുത്തിരിക്കുന്നു*

3/10/2019 ന് നടന്ന വിദ്യാഭ്യാസ മന്ത്രിയുമായുള്ള ചർച്ചയെ തുടർന്ന് തീരുമാനം എടുത്ത വിഷയങ്ങളിൽ ആദ്യ തീരുമാനം

ഉത്തരവായ വിവരം സന്തോഷത്തോടെ അറിയിക്കുന്നു. 

കഴിഞ്ഞ 11 വർഷത്തോളമായി കലോത്സവ മാനുവലിൽ നിന്നും അനദ്ധ്യാപകരെ ഒഴിവാക്കിയതിനെതിരെ നമ്മൾ നടത്തിയ പോരാട്ടത്തിന്റെ വിജയം കൂടിയാണിത്. മിനുട്സ് പുറത്തിറങ്ങിയതിനെ തുടർന്ന് DGE യെ നേരിൽ കണ്ടും DPI ഓഫീസുമായി നിരന്തരം ബന്ധപ്പെട്ടും നമ്മൾ നടത്തിയ നിരന്തര ശ്രമഫലമായി ഇന്ന് രാവിലെ തിരുവനന്തപുരം DPI ഓഫീസിൽ നിന്നും ജില്ലാ പ്രസിഡന്റ്‌ ടി ജോണി സംഘടനക്ക് വേണ്ടി ഉത്തരവ് ഏറ്റുവാങ്ങി 

ഈ ഉത്തരവ് ലഭിക്കുവാനായി ഏറ്റവും മുൻകൈ എടുത്ത ബഹു വിദ്യാഭ്യാസ മന്ത്രിക്കും അഡിഷണൽ പി എസ് പദ്മരാജൻ സാറിനും അസോസിയേഷന്ടെ ഹൃദയം നിറഞ്ഞ നന്ദി അറിയിക്കുന്നു 

നമുക്ക് ഒരുമിച്ചു പോരാടാം.. 

അഭിവാദ്യങ്ങളോടെ 

എൻ വി മധു ജനറൽ സെക്രട്ടറി

KASNTSA ആലുവ വിദ്യാഭ്യാസ ജില്ലാ സമ്മേളനം സംസ്ഥാന പ്രസിഡന്റ്‌ തോമസ് മാത്യുവും മുഖ്യ പ്രഭാഷണവും വിദ്യാഭ്യാസ അവാർഡ് ദാനവും ജനറൽ സെക്രട്ടറി എൻ വി മധുവും റിട്ടയർ ചെയ്‌തവർക്കുള്ള ഉപഹാരസമർപ്പണം ട്രഷറർ സി എ വ്യാനസും നിർവഹിച്ചു

*KASNTSA കര്മപഥത്തിൽ മുന്നോട്ട്...* 3/11/2019 നു നടന്ന വിദ്യാഭ്യാസ മന്ത്രിയുമായുള്ള ചർച്ചയുടെ മിനുട്സ് റെക്കോർഡ് വേഗത്തിൽ പുറത്ത് ഇറക്കുവാനായി എന്നതിന് പിന്നാലെ മിനുട്സ് ലെ തീരുമാനങ്ങൾ ഉടൻ നടപ്പാക്കികിട്ടുവനായി DGE ജീവൻ ബാബു IAS മായി സംസ്ഥാന ശാസ്ത്രോത്സവ വേദിയിൽ വെച്ച് ചാവക്കാട് ജില്ലാ ഭാരവാഹികളോടൊപ്പം കൂടിക്കാഴ്ച നടത്തുകയും നിവേദനം നൽകുകയും ചെയ്തു. ഔദ്യോഗിക തിരക്കിനിടയിലും നമ്മുടെ നിവേദനം ശ്രദ്ധാപൂർവം വായിക്കുകയും വേണ്ട നടപടികൾ കൈകൊള്ളാമെന്ന് ഉറപ്പു നൽകുകയും ചെയ്തു. അധ്യയന വർഷം പകുതിയിലേറെ പിന്നിട്ട ഈ വേളയിൽ മുഴുവൻ ജില്ലാ ഭാരവാഹികളും ജില്ലാ സമ്മേളനങ്ങളും പൊതുയോഗങ്ങളും വിളിച്ചും മെമ്പർഷിപ് പ്രവർത്തനവുമായി സ്കൂളുകൾ സന്ദര്ശിച്ചും നവംബർ മാസത്തിൽ തന്നെ മുഴുവൻ മെമ്പർഷിപ്പ് കളക്ഷനുകളും പൂർത്തിയാക്കണമെന്നും അനദ്ധ്യാപകർക്കായി സംസ്ഥാന കമ്മിറ്റി നടത്തുന്ന പ്രവർത്തനങ്ങൾ മുഴുവൻ അംഗങ്ങളിലേക്കും എത്തിക്കണമെന്നും മുഴുവൻ ജില്ലകളുടെയും പ്രവർത്തനങ്ങൾ ഊർജസ്വലമാക്കണമെന്നും പ്രത്യേകം താത്പര്യപ്പെടുന്നു മധു എൻ വി ജനറൽ സെക്രട്ടറി

പ്രിയ അനദ്ധ്യാപക സുഹൃത്തുക്കളെ,

*എയ്ഡഡ് മിനിസ്റ്റീരിയൽ സ്റ്റാഫ് അസോസിയേഷൻ* എന്ന സംഘടനയുടെ പേരിൽ ചില ആളുകൾ സംസ്ഥാനത്തെ എയ്ഡഡ് സ്കൂളുകളിലെ അനദ്ധ്യാപകരെ പറഞ്ഞു പറ്റിച്ച് പണപ്പിരിവ് നടത്തി വരുന്നതായി മുമ്പും മാന്യ അംഗങ്ങളുടെ ശ്രദ്ധയിൽ പെടുത്തിയിരുന്നല്ലോ. ഈ സംഘടന അംഗീകാരമില്ലാതെയാണ് പ്രവർത്തിക്കുന്നതെന്ന് പൊതുവിദ്യാഭ്യാസ വകുപ്പിൽ നിന്നും ലഭിച്ച വിവരാവകാശ രേഖയിലും വ്യക്തമാക്കിയിരുന്നു. 

3l - 10-2019 ന് പുറത്തിറങ്ങിയ സ.ഉ.(കൈ) നം.189/2019 / പൊ .വി .വ ഉത്തരവ് പ്രകാരം നിയമപരമല്ലാത്ത പ്രവർത്തനങ്ങളുടെ പേരിൽ അച്ചടക്ക ലംഘനമായി കണക്കാക്കി *എയ്ഡഡ് മിനിസ്റ്റീരിയൽ സ്റ്റാഫ് അസോസിയേഷൻ*  എന്ന വ്യാജ സംഘടനയുടെ പ്രവർത്തനവും അംഗീകാരവും റദ്ദാക്കിക്കൊണ്ട് സർക്കാർ ഉത്തരവിറക്കിയിരിക്കുന്നു.

കേരളത്തിലെ അനധ്യാപകരുടെ പ്രശ്നങ്ങളിൽ സജീവമായും ക്രിയാത്മകമായും ഇടപ്പെട്ടു വന്നിരുന്ന കേരള എയ്ഡഡ് സ്കൂൾ നോൺ ടീച്ചിങ്ങ് സ്റ്റാഫ് അസോസിയേഷനിൽ നിന്നും അധികാര ദുർമ്മോഹം കൊണ്ടും സംഘടന വിരുദ്ധ പ്രവർത്തനങ്ങൾ കൊണ്ടും കുത്സിതമായ വ്യക്തി താത്പ്പര്യങ്ങൾ കൊണ്ടും പുറത്തു പോയ ചിലരുടെ പണ സമ്പാദന മാർഗ്ഗമാണ് ഈ ഉത്തരവിലൂടെ അവതാളത്തിലായത്. 

മഹത്തായ KASNTSA എന്ന സംഘടനയിൽ കുത്തി തിരിപ്പുണ്ടാക്കാൻ ശ്രമിച്ച് പരാജയപ്പെട്ട്, സംഘടനയെ പിടിയിലൊതുക്കാൻ വ്യാജ രേഖകൾ തയ്യാറാക്കി സംഘടനക്കെതിരെ വ്യാജ പരാതികൾ നൽകി പരാജയപ്പെട്ട്, നമ്മുടെ സംഘടനയുടെ പേരിൽ അന്യായമായി പണപ്പിരിവ് നടത്തി കേസാകുമെന്നായപ്പോഴാണ് വർഷങ്ങളായി പ്രവർത്തനം നിലച്ച *എയ്ഡഡ് മിനിസ്റ്റീരിയൽ സ്റ്റാഫ് അസോസിയേഷൻ* എന്ന 'അപ്പോൾ കണ്ട അപ്പന്റെ' തണലിൽ കയറിക്കൂടിയ വ്യാജന്മാർക്കിത് കനത്ത പ്രഹരമാണിത്.

അംഗീകാരമില്ലാതെ, വിളിക്കാതെ സംഘടനാ യോഗങ്ങളിൽ പങ്കെടുത്ത് നാണംകെട്ട് പിൻവാതിലിലൂടെ പടിയിറങ്ങുന്ന നാണംകെട്ട കാഴ്ചകൾ വ്യാജന്മാർക്ക് *ചിലയിടങ്ങളിൽ മുളക്കുന്ന മരത്തെ തണലാക്കുന്ന* വിദ്യയായിരുന്നു. 

സംഘടനയുടെ അംഗീകാര രേഖകൾ ഹാജരാക്കാൻ ആവശ്യപ്പെട്ടപ്പോൾ എല്ലാം പ്രളയത്തിൽ ഒഴുകിപ്പോയെന്ന് കള്ളം പറഞ്ഞ് അവസാനശ്രമം നടത്തിയിട്ടും രക്ഷയുണ്ടായില്ല *അസ്മക്ക്.*

പ്രിയമുള്ളവരെ കേരള എയ്ഡഡ് സ്കൂൾ നോൺ ടീച്ചിങ്ങ് സ്റ്റാഫ് അസോസിയേഷൻ മഴയത്ത് പൊട്ടി മുളച്ച ഒരു തട്ടിക്കൂട്ട് സംഘടനയല്ല. മറിച്ച് പ്രവർത്തകരുടെ ഹൃദയങ്ങളിൽ വേര് പിടിപ്പിച്ച് കരുത്താർജ്ജിച്ച അനദ്ധ്യാപകരുടെ തണൽ വൃക്ഷമാണത്. എത്ര കാറ്റു വന്നാലും മഴയുണ്ടായാലും അംഗങ്ങളോടൊപ്പം ഉറച്ച് നിന്ന് പ്രവർത്തിക്കാൻ, നമ്മുടെ ശബ്ദമാകാൻ KASNTSA ക്ക് മാത്രമേ കഴിയുകയുള്ളൂ എന്നത് അഭിമാനത്തോടെ നമുക്കോർക്കാം.

*എയ്ഡഡ് മിനിസ്റ്റീരിയൽ സ്റ്റാഫ് അസോസിയേഷൻ* എന്ന പേരിൽ ഇനിയാരും വഞ്ചിതരാകരുത്. നമ്മുടെ അധ്വാനവും സമ്പത്തും കൊള്ളയടിക്കുന്ന ഇത്തിൾ കണ്ണികളെ തിരിച്ചറിയുക. തള്ളി കളയുക.

അഭിമാനത്തോടെ KASNTSA യിൽ അണിചേരൂ.... ഒപ്പം നടക്കൂ .....

*സംസ്ഥാന സമിതി*

കേരള എയ്ഡഡ് സ്കൂൾ നോൺ ടീച്ചിങ്ങ് സ്റ്റാഫ് അസോസിയേഷൻ.

KASNTSA ചേർപ്പ് ഉപജില്ല സമ്മേളന ഉത്ഘാടനവും സംസ്ഥാന അധ്യാപക അവാർഡ് നേടിയ സ്റ്റൈയിനി മാസ്റ്റർക്കുള്ള ഉപഹാര സമർപ്പണവും സംസ്ഥാന ജനറൽ സെക്രട്ടറി എൻ വി മധുവും അംഗത്വ വിതരണ ഉത്ഘാടനം റവന്യൂ ജില്ലാ പ്രസിഡന്റ് സി പി ആന്റണിയും യാത്രയയപ്പ് യോഗം ഉത്ഘാടനം CNNHSS ഹെഡ്മാസ്റ്റർ എ ആർ പ്രവീൺ കുമാറും നിർവഹിച്ചു.